Акција во Гостивар – Контролирани 36 возачи, казнети 33

Последната контрола на сообраќајната полиција во Гостивар покажува недисциплина и непочитување на правилата и прописите од страна на возачите.

Акциската контрола била спроведена вчера (10 септември) во периодот од 8 до 13 часот, а била насочена кон правилата за престигнување. Вкупно биле опфатени 97 возила, од кои 61 во Тетово и 36 во Гостивар. „При контролата откриени и законски санкционирани се 55 прекршоци, од кои 33 во Гостивар и 22 во Тетово, кои се однесувале на неправилно престигнување во колона, на забранети и непрегледни места или на други непрописни начини.“, извести СВР.

На прекршителите изготвени им се 45 прекршочни и 10 мандатни платни налози. Во акцијата биле констатирани и 28 други видови прекршоци.