Акција за чистење во Долно Јеловце на иницијатива на Црковниот oдбор

На иницијатива на членовитe на Црковниот oдбор од сeло Долно Јеловце, денес на празникот Цветници се спроведе  работна акција за чистење на сметот во атарот на селото, црквата и кругот околу селската чешма, кој како велат мештаните најмногу го расфрлаат несовесни посетители.

„Најмногу ѓубре се расфрла околу селската чешма, каде многу луѓе секојдневно доаѓаат да полнат вода. Апелираме до сите нив, во иднина да обрнат повеќе внимание на чистотата и грижата за природата која ни припаѓа на сите“, велат од одборот.

Акција за чистење во Долно Јеловце веќе неколку години по ред традиционално се одржува на Цветници, а слични активности има и во други периоди од годината со цел да се зачуваат околината и природата.