fbpx
Поврзи се со нас

Гостивар

Акција за донирање ранци и училишен прибор во Гостивар – „Со срце дарувај, ученик израдувај“

Објавено

на

„Со срце дарувај, ученик израдувај“, под ова мото и годинава гостиварската локална самоуправа организира акција за донирање училишни ранци и прибор за ученици од социјално ранливи семејства.

Подготовките за на училиште се удар врз секој семеен буџет, но особено за родителите коишто се невработени и живеат од социјална помош. Токму затоа, се ипраќа апел сите граѓани и компании кои имаат можност да се вклучат, и да донираат. Акцијата ќе се спроведува од 31 август до 11 септември.

Годинава поради пандемијата учебната година ќе започне подоцна и во поинакви услови, сепак на децата им се неопходни основните работи за совладување на наставниот материјал.

„Знаеме дека поради пандемијата владее криза и не им е лесно ниту на компаниите, ни на граѓаните. Сепак, оние кои имаат можност ги повикуваме да се вклучат и заедно да помогнеме на семејствата во социјален ризик. Гостиварчани се хумани луѓе и знаеме дека тоа ќе се потврди и овојпат и дека акцијата ќе биде успешна“, рече Аслијан Снопче, раководител на Сектор за образование во Општина Гостивар.

Минатата учебна година во Гостивар беа спроведени повеќе акции во кои беа собрани над 300  електронски уреди за ученици, со цел да може да следат онлајн настава. Училиштата сега прибираат податоци уште колку деца останале без услови за настава преку интернет. Од општината очекуваат Министерството за образование да им обезбеди лап топи, компјутери и слично.

Во акцијата „Со срце дарувај, ученик израдувај“, лани беа обезбедени училишни ранци и прибор за околу 500 ученици од гостиварските училишта.

Сподели:
Остави коментар

Напишете коментар

Advertisement
Advertisement
Advertisement
Advertisement

анкета:

Како треба да се одвива наставата во училиштата?

Резултати од анкетата

Отворени огласи за вработување во полог:

- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар

Популарно изминативе 100 дена

error: Содржината е сопственост на Gostivarpess.mk!