Гостивар
Акцијата за санирање на Русино ќе трае најмалку 4 до 5 дена, зафатена е поголема површина
Акцијата за санирање на опожареното Русино кај Гостивар продолжува. Стабилизирањето на состојбата нема да биде лесна работа. Зафатена е поголема површина, а со оглед дека се работи за депонија, гаснењето не оди со вода, туку потпалениот отпад се затрупува со земја.
Освен општината и Комуналец, во акцијата со градежна механизација се вклучи и гостиварското одделение на Дирекцијата за заштита и сапсување преку фирма со која има склучено договор.
„На барање на градоначалникот Арбен Таравари, ние се вклучивме во санирањето на депонијата Русино. Ја ангажиравме фирмата „Магнум транс“ со која имаме склучено договор. На терен сме од вчера попладне од 14 часот. Сега таму работиме со 4 багери и 4 камиони, а по потреба ако се оцени ќе ангажираме плус механизација. Ќе останеме додека се санира комплетно ситуацијата. Вчера направивме увид, пожар се уште има. Локалната самоуправа има ангажирано друга приватна фирма со механизација, исто така има и екипи на Комуналец, но зафатена е поголема површина, и затоа ние се вклучивме во помош. Наша оценка е дека ќе треба да се работи најмалку 4 до 5 дена за да се среди состојбата. Денес бевме исто така на увид, подобрена е ситуацијата, но депонијата уште чади и мора уште да се работи.“, изјави Лирија Селмани, раководител на Дирекција за заштита и спасување во Гостивар
Револтирани од еколошката катастрофа што ја предизвикува Русино, гостиварци покренаа граѓанска иницијатива за повеќедневно блокирање на патот кој води до депонијата, што најверојатно ќе се спроведе после изборите. За вечерва е закажан состанок на Граѓанската иницијатива „Стоп Русино“ на која се очекува да бидат донесени повеќе заклучоци. Поддршка стигна и од тетовска Еко герила, во чие соопштение се вели:
„Жителите на Гостивар, во време на пандемија се принудени да дишат загаден воздух, поради пожарот на регионалната депонија Русино. Барањето на граѓаните да се организираат за заштита од ова труење е легитимно, а Еко Герила целосно ги поддржува да постапуваат во согласност со законите и правата на граѓаните за организирање, почитувајќи ги мерките за лична заштита во време на пандемијата!“
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар