Ако баш морате да јадете благо, изберете темно чоколадо!

Шеќерите се докажано еден од најголемите непријатели на човечкото здравје. Но, голем број од луѓето обожаваат благо и не можат да си го замислат денот без некој убав сладок десерт. Ако не можете без благо, тогаш барем одберете поздрава варијанта, а тоа е темното чоколадо.

Лекари од Русија препорачуваат да се јаде по 50 грама црно чоколадо секој ден, што ќе придонесе за енергичност и продуктивност на организмот, но нема да го расипе здравјето.

„Ј адете темно чоколадо со удел на какао од најмалку 50%. Препорачано е околу 50 грама на ден, но може да си каснете и повеќе, ако се занимавате со потежок физички труд или спортувате“, велат лекарите од Униврзитетот Сеченов во Москва.

Темното чоколадо е здраво и содржи поголема концентрација на какао и други полезни компоненти. Содржи и компоненти што го заштитуваат црниот дроб, помага во намалување на крвниот притисок, го подобрува расположението и делува како антистрес терапија. Го намалува нивото на хормоните на стресот, а го поттикнува создавањето на ендорфини, заслужни за засилувањето на чувството на среќа и задоволство.

Да, црното чоколадо секогаш е поздрав избор од белото. Сепак, треба да знаете дека и тоа е калорична храна со која не треба да се претерува. Во 100 грама темно чоколадо има околу 550 калории.