Ако некогаш сте ги собирале овие карти, денеска може убаво да заработите

Сите вљубеници во Покемон кои некогаш ги собирале овие карти, сега може добро да се збогатат. Картите кои се продаваа при крајот на минатиот и почетокот на 21 век, за неколку центи, денес на eBay се продаваат за околу 6.000 евра.

Највредните покемон карти се оние од 1999 и 2000 година. Според колекционерката Трејси Мартин, тие се највредни бидејќи немаат „сенка“ што ги прави исклучителни.

Мартин открива дека разликите помеѓу картите без сенка и останатите е последицата на промената на дизајнот.

Таа истакна како е важно да се провери дали картите на Покемон имаат ознака од првото издание, ако имаат, вредат и многу повеќе. Доколку имате од поновите карти, порачува да не се фрлаат, туку да се чуваат уште некое време бидејќи и нивната вредност може значајно да порасне.

– Со сигурност нема ништо да изгубите ако ги чувате овие карти, можеби нема да ја достигнат вредноста како старите карти, а можеби и ќе ја достигнат за неколку години, вели таа.