Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 17/04/2019 | 15:03

Акција низ Гостивар: Комбиња натрупани со патници, возачи без дозвола и лекарско…

Во комбињата за јавен превоз на патници на гостиварското подрачје и оние кои ги превезуваат учениците, честопати има претовар и се преполнуваат со патници повеќе од дозволеното. Превозниците на ваков начин се обидуваат да ги намалат своите трошоци, без да обрнат внимание на можните последици и безбедноста на патниците. Последната контрола на полицијата го потврдува несовесниот однос на комбистите.

СВР соопшти дека вчера во периодот од 6 до 9 часот, во Гостивар била спроведена акциска контрола со која вкупно биле опфатени 35 комбиња кои вршат јавен превоз. При контролата биле откриени девет возила со претовар на патници, осум возачи без лекарско уверение, тројца возачи без положен возачки испит, еден со несоодветна категорија, две нерегистрирани возила и еден возач кој не ја прилагодил брзината според условите на патот. Констатираните прекршоци биле санкционирани со законски предвидените поднесоци.

Казната за претовар, кога станува збор за фирма за автобусите изнесува 2.000 евра, додека за комбињата е 1.400 евра. Доколку физичко лица во својот автомобил вози повеќе од дозволениот максимум патници, ќе плати казна од 45 евра.

Напишете коментар