Акција во Гостивар и Тетово: Опфатени 92 возила, откриени скоро 50 неправилности

На поширокото полошко подрачје, од страна на сообраќајната полиција во Тетово и Гостивар, вчера од 10 до 14 часот, спроведена е сообраќајна акциска контрола со која вкупно биле опфатени 92 возила.

Во акцијата на територијата на Гостивар, вкупно контролирани се 21 возило, од кои кај 13 биле евидентирани неправилности. Седум од нив биле со неисправни сопирачки, едно со неатестирани фолии, а пет непрописно, односно погрешно паркирани. За овие прекршоци возачите се санккционирани со законски предвиденитe поднесоци, известуваат од полицијата.

На тетовското подрачје, во сообраќајната акциска контрола вкупно биле опфатени 71 возило. Во контролата, откриени се 12 технички неисправни возила ( 9 возила со неисправни сопирачки ), 3 со друг вид неисправност и 4 со истечена регистрација. Покрај тоа, биле откриени и 5 возачи без дозвола, како и 11 други прекршоци, од кои 8 непописно паркирани возила.