Поврзи се со нас

Вести Гостивар

Акција во Гостивар – скоро половина од возилата со неисправни сопирачки

Сообраќајната полиција вчера на гостиварското подрачје открила дванаесет прекршоци, во акциска контрола која била спроведена во периодот од 8 до 16 часот.

Од вкупно 25 опфатени возила, 20 биле упатени на технички преглед. Како што информира полицијата, кај осум од нив била утврдена неисправност на сопирачките. Технички неисправните веднаш биле исклучени од сообраќај.

Освен тоа бил фатен и возач кој не се придржувал на законските ограничувања предвидени за почетници.

„Констатираните прекршоци во оваа акциска контрола, заокружени се со осум прекршочни платни налози, три барања за поведување на прекршочна постапка и еден мандатен платен налог. Целта на акциската контрола е навремено откривање и законско санкционирање на технички неисправните возила, учесници во сообраќајот, како и на друг вид прекршоци.“, наведува СВР Тетово.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!