Алармантно – Голем пожар помеѓу Равен и Јеловце, зафатена е борова шума (видео)

Шумски пожар кој се разгорел викендов, над гостиварските села Равен и Здуње, се` уште е активен. Според информациите од Центарот за управување со кризи, зафатена е површина од 30 хектари од атарот на село Јеловце, од кои дел е борова шума, а интервенира противпожарната единица и шумското Шар Гостивар.

Од видеото кое беше испратено до нашата редакција, може да се забележи дека пожарот сеуште е активен и станува збор пожар од поголеми размери, додека очевидци велат дека има опасност од натамошно проширување на огнот.

Со реакција се јави и концесионерот со ловиштата Ас Комерц, Владо Глигоровски. „Состојбата е крајно алармантна, гори огромна површина. Бараме сите надлежни институции да се вклучат во гаснење на пожарот, поради теренот неопходно е да се интервенира со авиони“, рече Глигоровски.

Пожар има и над селото Пожаране, над каналот Шарски Води, каде гори сува трева, со тенденција да се проши кон високо стеблеста шума.