„Алигаторите“ од Гостивар „газат“ во Втората МФЛ – ФК Гостивар убедлив против Тетекс

Вчера се одиграа натпреварите од шестото коло во Втората Македонска фудбалска лига – Запад.

Фудбалерите на Генч Калемлер продолжуваат со одличните игри, после победата над Кораб и заземањето на врвот на табелата, вчера во Скопје ја совладаа екипата на ФК Скопје со 0:1. Иако, овој натпревар беше најавуван како сериозен тест за гостиварци, „Алигаторите“ од Долна Бањица успеаа да заминат со три бодови од Скопје и тоа против екипа која минатата сезона играше во Првата лига и е меѓу главните фаворити оваа сезона во Втората МФЛ – Запад. Победата ја донесе Бурак Менга во 74-та минута, со овие три бодови  Генч Калемлер се издвои на врвот со 13 бодови.

Екипата на ФК Гостивар на Градскиот стадион во Гостивар ја оправда фаворитската улога против екипата на Тетекс. Со 3:0 ги совлада гостите од Тетово, головите ги постигнаа Османи во 70, Скендери во 75 и Зеќири во 86 минута. Гостивар со 12 бодови е на второто место на табелата.

Во следното коло ФК Гостивар му гостува на Пелистер во Битола, Генч Калемлер го пречекува тимот на Влазерими 77.