Алкараз физички не издржа, Ѓоковиќ во финалето на Роланд Гарос

Новак Ѓоковиќ стигна до седмото финале на Ролан Гарос во кариерата победувајќи го светскиот тенисер број еден Карлос Алкараз со 3:1 во сетови (6:3, 5:7, 6:1, 6:1). Придонес за убедливиот триумф беа проблемите со повредата на Алкараз на стартот од третиот сет, што доведе до голем пад во играта на младиот тенисер.

Тој имаше сериозни проблеми со грчевите, стопирајќи ја играта. Бидејќи во текот на еден гем не смее да се побара медицински тајмаут, тој го предаде гемот на противникот, по што не можеше физички да парира до крајот на мечот.

Најдобриот српски тенисер Новак Ѓоковиќ во недела ќе игра за својот 23. Грен слем трофеј во кариерата со подобриот од дуелот – Александар Зверев и Каспер Руд. Тоа ќе биде 33. Грен слем финале за популарниот Ноле.