Алкохолот ќе се продава во секое време

Владата на вчерашната седница го прифати предлогот за измени и дополнувања на Законот за трговија на Министерството за економија за укинување на ограничувањата на времето на продажба на алкохолни пијалаци во продавниците. Натамошен чекор е доставување на Предлог законот за усвојување во Собранието на Република Македонија.

Основните решенија на Предлог законот предвидуваат продажбата на алкохолни пијалаци во трговијата на мало и понатаму да се врши во лиценцирани продажни објекти, но при тоа нема да се бараат посебни услови во продажниот објект, а ќе се дозволи продажба на алкохол и во киосците. Исто така ќе се укине ограничувањето на времето за продажба на алкохолни пијалаци во малопродажните објекти во трговијата, кое беше воведено во 2008 година и според кое алкохол се продава до 19, однсно до 21 часот.