Алое вера едно од најлековитите растенија

Алое вера е омилено растение во многу домаќинства и е многу повеќе од обично декоративно растение во домот. Има повеќе од 75 биоактивни компоненти кои му помагаат на организмот на повеќе начини, од смирување на акни до зајакнување на имунолошкиот систем.

Медицинската алое вера има антивоспална, антибактериска, аналгетска и антимикробни својства кои и тоа како објаснуваат зошто старите египќани ја нарекле растение на бесмртноста, а индијанските племиња рајско стапче или растение кое лекува.

Богат извор на витамини, антиоксиданти и минерали

Алеое верата изобилува со витамини А, Б1, Б2, Б6, Б12, Ц и Е иста така богата е со фолна киселина и холин. Недостатокот на витаминот Б12 често се јавува кај лица постари од 65 години и кај оние кои во својата исхрана не внесуваат месо и месни производи.

Покрај витамините, Алое вера содржи и многу минерали, како што се магнезиум, бакар, калиум, калциум, цинк, манган, хром и селен. Сите овие влијаат за зголемување на функционалноста на ензимите и зајакнување на метаболизмичките патишта кои ги одржуваат ќелиите во одлична состојба. Со тоа што нуди од 20 д0 22 аминокиселини, влучувајќи 7 есенцијални аминокиселини, алое верата помага во јакнење на имунолошкиот систем и осигурува правилна синтеза на хормoни, протеини и енизми.