Алтернатива нема конечна одлука, но ќе почне преговори за влез во Владата

Централното претседателство на Алтернатива вечерва не донесе конечна одлука дали партијата ќе стане дел од актуелната Влада.

„Разговаравме за севкупната политичка состојба и констатиравме дека земјата се наоѓа во длабока политичка, економска, здравствена, енергетска криза и овој ќор сокак произведе многу неизвесност. Откако го согледавме сетоа тоа, Алтернатива како сериозна политичка партија која знаела да се издигне над сопствените интереси, во корист на државните, разговараше за можноста и помошта што може да ја даде за откочување на ваквата ситуација. Вкупниот заклучок е да им дадеме шанса на стабилнсота и континуитетот за земјата да се надева на датум за почеток на преговори со ЕУ. Централното претседателство го овласти претседателот на партијата да комуницира со сите политички актери, во случајот со актуелниот премиер, евентуално со новиот мандатар каков концепт за излез од кризата имаат. Ќе ја чуеме нивната верзија, ќе видиме дали има волја за заедничка програма и дали во име на овие цели актуелните владини партнери се подготвени да се откажат од дел од својата моќ, со цел да се создаде рамнотежа во власта. Конечната одлука за влез во Влада или отфрлање на оваа можноста ќе ја донесе Централното собрание на Алтернатива кое може да се свика кога ќе имаме нешто конкретно.“, беше речено на прес конференцијата на партијата по завршување на централното претседателство.