Амбасадорката на Црна Гора во посета на Гостивар – се разгледуваат можностите за поблиска соработка меѓу општините

Продлабочување на соработката, разгледување на можностите за заеднички проекти, како и состојбите со ковид 19 беа теми на разговор на средбата меѓу Амбасадорката на Црна Гора Марија Петровиќ и градоначаникот на Гостивар Арбен Таравари. Амбасадорката беше гостинка во кабинетот на првиот човек на Гостивар, со дел од својот тим.

„Чест и задоволство ми  е што сум во посета на Општина Гостивар и што со градоначалникот имаме можност да ги разгледаме моделите и начините за продлабочување на натамошната соработка. Билатералните односи меѓу Црна Гора и Северна Македонија се одлични, но секако приоритет треба да ни биде унапредување на соработката на локално ниво. Токму и затоа сум тука, да разговараме кои опции постојат за идно економско, културно и севкупно поврзување на локално ниво“, изјави Амбасадорката Петровиќ.

Градоначалникот изрази надеж дека Гостивар ќе развива соработка со некоја од црногорските општини. „Ние имаме одлични релации со општини од земји во регионот, и навистина се надевам дека во иднина Гостивар ќе оствари поблиска соработка и со некоја опптина од Црна Гора“, рече Таравари.

Денешната посета беше прва официјална посета на Гостивар на црногорската Амбасадорка Петровиќ.