Американците Армстед и Мосли повеќе не се дел од КК Гостивар

Кошаркарите на КК Гостивар, американците Малколм Армстед и Стаки Мосли повеќе не се дел гостиварскиот прволигаш. Ова е дел реконструкцијата на тимот која следи после неочекуваните лоши резултати во есенскиот дел од првенството, во кое од 6 одиграни кола гостиварци се со скор од 3 победи и 3 порази.

„Малком и Мосли се веќе минато, првиот замина за Швајцарија, вториот ноќеска лета за Португалија. Ќе има промени и на центарската позиција, веќе се пронајдени соодветни замени, очекуваме деновиве да се официјализираат новите засилувања. Ова се први чекори за надминување на моменталната состојба, доколку не донесат позитивни промени ќе има и дополнителни измени во играчкиот кадар. Иако непредвидливата и тешка ковид сезона си го прави своето, очекуваме во вториот дел екипата да заигра како сме сите навикнати“, откриваат од КК Гостивар.

Од гостиварскиот клуб не сакаат да откријат детали пред официјализирање на трансферите, но гласините се дека новите засилувања се на позиција 1 и позиција 5, и треба да пристигнат од српската и хрватска прва лига.