fbpx
Поврзи се со нас

Гостивар

Анализи на Д-Дмери за ковид болни наскоро во лабораторијата на Здравствен дом во Гостивар со упат од матичен лекар

Објавено

на

Пациентите позитивни на коронавирус во Гостивар што се на домашно лекување, наскоро ќе може да вршат анализи на Д-Дмери во крвта со упат од матичен лекар, на товар на Фондот за здравство. Испитувањето на овие вредности е важно за да се добие јасна слика за најчестите компликации при ковид, односно дали има згрутчување на крвта.

Лабораторијата на Здравствниот дом деновиве ги врши подготовките за воведување на оваа услуга, а очекуваат од следната недела да се отпочне со тендерските процедури.

„Во тек е постапка во подготвување на воведување испитување на Д-Дмери, додека ЦРП во нашата лабораторија веќе се работи со години. Се надеваме дека веќе од понеделник ќе се објави и тендер за да се откупат тестови за работа, затоа што се од имунолошки карактер и треба да се поседува соодветна опрема. Подготовките за воведување на Д-Дмери како анализа се во тек, и се надеваме дека до крајот на месецот веќе ќе се отпочне со работа за да се задоволат потребите за пациентите кои матичните лекари веќе ги упатуваат за овие проверки.“, вели Абдулкадар Алији, раководител на лабораторијата.

Повеќе научни студии до сега ја потврдија поврзаноста помеѓу тежината на ковид – 19 и покачени вредности на Д-Димери. Се претпоставува дека причината за зголемувањето е нарушување на коагулацијата поради присуството на вирусот, и оштетување на белодробното ткиво кај воспалението.

„Кај ковид болните во голем процент се забележува промена кај овие коагулациони фактори, односно Д-Дмерите во енормна вредност. Тие компликации се можеби една од водечките што доведуваат до тешки заболувања, па и завршувајќи со смртни последици. Затоа е многу важно да се следат. Факт е дека потребата од оваа анализа толку се зголеми, што потребно е да се воведат во сите здравствени установи, не само во службите за трансфузиологија, туку и во сите други лаборатории што се во можност да ја работат, затоа што анализите мора да ги прави стручен тим кој квалитетно ќе го сработи тоа“, вели д-р Алији.

Во приватните лаборатории низ Гостивар, анализа на Д-Димери се плаќа по 1.000 денари.

 

 

 

 

Advertisement
Advertisement
Advertisement

ОГЛАСИ ЗА РАБОТА:

Advertisement

Популарно изминативе 100 дена

error: Содржината е сопственост на Gostivarpess.mk!