Ананас – тропско овошје полно здравје и енергија

Ананасот не е само вкусно овошје, оваа тропска храна е исклучително хранлива со бројни здравствени придобивки благодарение на неговите есенцијални хранливи материи. Во продолжение некои од најпознатите здравствени придобивки од ананасот, кои покажуваат дека редовното консумирање на ова овошје го поддржува целокупното здравје.

Богат со витамини и минерали

Ананасот е богат со витамин Ц, манган и други важни хранливи материи како влакна, калиум и калциум. Покрај тоа, содржи многу антиоксиданси кои го штитат телото од штетните ефекти на слободните радикали.

Одличен за зајакнување на имунитетот

Кога станува збор за зајакнување на имунитетот, првите намирници кои ви паѓаат на памет се ѓумбирот и портокалот, но и ананасот е многу добра опција. Благодарение на неговата висока содржина на витамин Ц, ананасот го зајакнува имунолошкиот систем и му помага на телото да се бори против инфекции и болести. Учествува и во производството на бели крвни зрнца (леукоцити) кои го штитат организмот од инфекции, бактерии, вируси, паразити и други штетни материи.

И дава природен сјај на кожата

Благодарение на своите антиоксиданси, ананасот помага во борбата против оштетувањето на кожата предизвикано од слободните радикали. Витаминот Ц кој се наоѓа во ананасот го стимулира производството на колаген, давајќи и на кожата природен сјај и младешки изглед.

Промовира правилно варење

Ананасот содржи бромелаин – ензим кој помага во разградувањето на протеините и го подобрува варењето. Може да ја ублажи надуеноста и непријатноста, особено после обилен оброк. Корисно е да го јадете после вечерата за да ја намалите надуеноста и да имате подобар и поквалитетен сон.

Го подобрува здравјето на срцето

Антиоксидансите, влакната и калиумот присутни во ананасот можат да помогнат да се намали воспалението и да се намали крвниот притисок, што е важно за одржување на здраво срце.

Помага при слабеење

Покрај здравствените придобивки, ананасот е и одлична храна за слабеење. Ананасот е нискокалоричен и има висока содржина на вода, што го прави одличен избор ако сакате да изгубите тежина. Влакната што ги содржи го продолжуваат чувството на ситост и ја намалуваат потребата за прејадување. Ако сакате да јадете повеќе ананас за слабеење, најдобро е да го јадете сам како здрава ужина, да го додадете во смути или овошна салата.

Го намалува опаѓањето на косата

Многу луѓе имаат проблеми со опаѓање на косата од различни причини, а би можеле да си помогнат со јадење ананас. Витамините и минералите во ананасот, особено витаминот Ц и манганот, поддржуваат здрав раст на косата и го зајакнуваат скалпот, што може да го намали губењето на косата на долг рок.

Помага во регулирање на нивото на гликоза во крвта

Ананасот има низок гликемиски индекс, што го прави погоден за луѓе со дијабетес. Помага во одржување на стабилни нивоа на шеќер во крвта додека ги задоволува слатките желби. Може да го јадат и луѓе кои имаат проблеми со тежината или сакаат да ослабат бидејќи ќе можат да го контролираат внесот на калории, а сепак да го одржуваат своето здравје со оваа хранлива храна.