Ангеловски го објави списокот за дуелот со Косово – Елиф Елмас позитивен на Ковид-19

Селекторот Игор Ангеловски пред малку го објави списокот на повикани 23 фудбалери за историскиот меч против Косово, како и за двата редовни натпревари од новото издание во Лигата на нации.

Македонскиот репрезентативец од редовите на Наполи денеска ги доби резултатите кои покажале дека е позитивен на Ковид-19, што значи дека ќе го пропушти полуфиналниот бараж натпревар со репрезентацијата на Косово, на 8 октомври.

Под знак прашалник беше и Горан Пандев, кој доаѓа од екипата на Џенова која објави дека има 16 позитивни фудбалери, за среќа капитенот на македонската репрезентација не меѓу нив.

Димитривески, Шишковски и Божиновски, (голмани), Ристовски, Муслиу, Бејтулаи, Ристевски,  Зајков, Велковски и Тошевски, (одбрана), Адеми, Барди, Спировски, Николов, Алиоски, Костадинов и Хасани, (среден ред), Пандев, Несторовски, Трајковски, Тричковски,  Стојановски и Велкоски, (напад), се фудбалерите со кои селекторот Ангеловски ќе се обиде да обезбеди финале со подобриот од Белорусија-Грузија, за историски пласман на Европско првенство.