Вести
АНКЕТА: Различни мислења околу рамноправноста меѓу мажите и жените

Пред неколку дена ве повикавме да учествувате во анкета на тема: жените и рамноправноста со мажите во денешно време и во наши услови. Во продолжение ги пренесуваме размислувањата кои ни пристигнаа од наши читатели, женски и машки. Почитувајќи ја нивната желба, ги објавуваме без целосни имиња.
Жени:
Г.М. -Во денешново “модерно” живеење, жената се обидува да постигне рамноправност во сите сфери на живеење, со помош на бројни организации, кои секојдневно работат на афирмација на жената. Како резултат на нивната работа, многу нешта, кои се однесуваат на рамноправноста помеѓу мажите и жемите, се подобрени. Жената не е повеќе во подредена положба и во семејството работните обврски се помалку се делат на машки и женски. Сепак, се` уште е голем бројот на жени – жртви на семејно насилство. На работен план пак, не верувам (или не сакам да верувам) дека постојат случаеви кога жените, за една иста професија, се помалку платени од своите колеги – мажи. Додека во општеството, се уште е значително поголем процентот на мажи, во однос на жените, кои се на високи раководни функции.
С.Б –Во Гостивар тврдам дека постои нерамноправност помеѓу мажите и жените. Долг е списокот на примери, би набројала неколку најбитни кои за жал секојдневно и ги слушам и ги гледам. Мажи во Гостивар тврдат дека: – Мажот е посилниот пол! Ако силината се мери во тупаницата и цепењето дрва,навредите , омаловажувањата дека жените не заработуваат исто колку мажите, да тука важат за посилен пол. Ако во домот само мажот кој ќе се врати од работа е изморен, па ништо друго освен да одмори не му е обврска, да и тука важат за себепрогласен посилен пол. Најгруба е реалноста што во нашиот град постои, а тоа е дека жената не може,т.е не смее да оди на работа, да заработува помала плата од нивната туку треба да го гледа семејството, куќата, да домаќинува зошто тоа и’ е обврска запишана од силната машкост и мора да се почитува. Ако жените се спротистават на таквата нивна машкост веднаш се недомаќинки, збеснати и што уште не. Реално, жената е жртва за мирот во домот и е приморана да трпи за да постои и опстојува функционално семејство. Жените се поголеми мажи од мажите, а тоа секако знае да им запречи на мажите.
А.Ј-Кај нас уште владее ставот дека жената е роб на куќата, мажот, децата. Но, во последните неколку години, полека, ама сигурно, жените се повеќе заземаат свој став по некои прашања, што ми е многу мило, така да жените и мажите можат многу бргу да се изедначат во сите аспекти во секојдневниот живот, а зошто и не би, кога се знае дека жените без мажите би можеле да живеат, ама мажите без жените многу тешко.
Мажи:
Е.Е –Не сме рамноправни зошто жените трошат многу пари на облека, а мажите не!
С.З – Не сме рамноправни. Жената секогаш треба да биде една скала подоле од мажот, се знае, мажот е посилниот пол.
П.А –Не се рамноправни, а би требало. Значи кога ќе дојде да се цепат дрва, 6 кубика јас, 6 таа.
-
Занимливостипред 2 месеци
Речениците на Толстој ја откриваат тајната на среќен живот: Најголемите вистини се наједноставни
-
Занимливостипред 2 месеци
Неколку непознати факти за гладијаторите
-
Занимливостипред 3 месеци
Како се прават најдобрите кубански цигари – Отмена арома на луксузот
-
Гостиварпред 3 месеци
Девизниот курс денес според приватните менувачници во Гостивар и НБРМ
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Гостиварпред 2 месеци
Распоред на дежурни свештеници за Задушница во Гостивар
-
Македонијапред 2 месеци
Србите го слават Свети Сава – Национален празник на српската заедница во земјава
-
Гостиварпред 3 месеци
Хуманитарна акција на УМС на ВМРО-ДПМНЕ Гостивар во пресрет на Новата Година