Вести
Антикорона препораките да продолжат: Без јавни масовни собири до 13 март
Комисијата за заразни болести и формираниот комитет за следење и информирање за состојбата со корона вирусот предлага Владата да ја продолжи препораката за неодржување на јавни масовни собири и спортски натпревари без публика, до 13 март.
„Препораката да не се одржуваат масовни собири, како и големи спортски натпревари, на коишто очекуваме луѓе од странство, да се одржуваат без публика и да се продолжи уште една недела, до 13-ти март – следниот петок. Оваа мерка доаѓа како резултат на тоа што бројот на лица во Европа континуирано се зголемува“, информираше денес министерот за здравство Венко Филипче.
Министерот соопшти дека во тек се подготовки со мобилните оператори да се воведе уште една мерка на контрола. „Мобилните оператори излегоа во пресрет и чекаме да се изработи техничко решение, а тоа е сите странци кои влегуваат во нашата земја со посебна порака да бидат известени за тоа што треба да преземат, каде да се јават доколку им се јават симптоми на болеста. Идентични податоци од флаерот којшто го добиваат на граничните премини или на аеродромите во текстуална порака да им стигне веднаш откога ќе се вклучат на која било од нашите мрежи. По техничкото решение, веќе денеска најавија мобилните оператори ќе биде во функција.“, рече Филипче.
Околу 4250 лица се заболени од коронавирус во регионот Европа, речиси илјада повеќе од вчерашниот ден. Во нашиот регион, има нови пациенти со коронавирус, еден во Словенија и двајца во Србија.
-Синоќа разговарав и со нашиот конзул во Италија. Италија ги затвори сите училишта и универзитети до 15 март, остануваат во сила оние мерки во регионот во Северна Италија. Конзулот има најава дека има наши државјани коишто се на работа таму и поради овие мерки, поради тоа што голем дел од нив не можат да одат на работа, некои веќе сакаат да се враќаат во нашата земја, а тој работи на тоа да има интензивна комуникација со нив за евентуално поголемите организирани групи на наши граѓани кои би доаѓале во Италија се најават претходно со цел да имаме подобар увид на влезот на патници, информира министерот Филипче.
Тестовите на двајцата странци, едниот државјанин на Сингапур, другиот на Австралија, кои од 28 февруари престојуваат во Скопје се негативни на коронавирус. По пријава на хотелот, денеска, епидемиолозите од Центарот за јавно здравје–Скопје од пациентите земале брисеви за тестирање во нивната хотелска соба, каде тие останале до добивањето на резултатите.
Во текот на денешниот ден бil направен и контролен тест на единствената заболена пациентка од корона вирус и нејзината ќерка, со која таа е во контакт и двете во изолација на Клиниката за инфективни болести и фебрилни состојби.
Тестот на пациентката е негативен на корона вирус, што значи дека опаѓа нејзината инфективност, но согласно процедурата, истиот ќе биде повторен по 48 часа. На корона е негативна и нејзината ќерка, извести Министерството за здравство.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар