Апел од Противпожарната единица по синоќешната несреќа: Внимателно со плинските боци

Томе Василески, командир на Противпожарна единица во Гостивар:

„По примената пријава во 19.25 за настанат пожар во зграда, нашите екипи веднаш излегоа на лице место. Експлозијата се случи на само 100 метри од објектот на Противпожарната единица и веднаш интервениравме со пет пожарникари и едно возило. На лице место е затекнато истекување на плин и експлозија на боца, бидејќи таа била затворена во шкаф на балконот и најверојатно тука се собирал плинот. Едно лице е повредено со изгореници од втор степен на лицето и рацете, но е надвор од животна опасност. Огнот ги зафати балконските врати и електричните уреди кои беа наоколу. Брзата интервенција го спречи проширување на пожарот.

Апелираме до граѓаните кои користат плин во домаќинствата, да купуваат квалитетни плински боци со сигурносни елементи, кои гарантираат безбедност. Ние и претходно сме интервенирале на вакви случаи во згради и станови. Пламенот се гасне, но плинот од боцата истекува и кога ќе дојде во допир со отворен пламен се предизвикува експлозија.„