Апсење и кривични поради дрога во Гостивар

Вчеравечер во 21.50 часот полициски службеници од Полициската станица Гостивар привеле 19 годишник од селото Нистрово, со живеалиште во Здуње, поради тоа што при преглед кај него била пронајдена марихуана. По целосно документирање на случајот, против него ќе биде поднесен соодветен поднесок.

Надворешната канцеларија за криминалистички работи Гостивар поднесе кривична пријава против 39 годишен жител на Чегране, и 28 годишен гостиварец, поради постоење основи на сомнение за сторено кривично дело „неовластено прозводство и пуштање на промет на наркотични дроги, психотропни супстанци и прекурсори“. МВР соопшти дека во април годинава на ул.„Седек Костоски“ во Гостивар, полициски службеници при преглед на патничко возило, управувано од гостиварецот, пронашле и одзеле кокаин, кој претходно го набавил од чегранецот. Исто така, при претрес во домот на првопријавениот во Чегране, полициски службеници пронашле и одзеле кокаин, таблети и рамка од пиштол ,,Застава М57“, калибар 7,62х25 мм.