Арсовска: Таравари кадровски решенија може да поставува во Гостивар, не во Скопје

„Не ја разбирам вообразеноста и коментарите на господин Таравари, со оглед на тоа што соработката ни е завршена уште вчера. Кадровски решенија може тој лично да си поставува во Гостивар, а не во Скопје. Со личност која напаѓа, која нема етички компас, оправдува во било која форма насилство и напад со огнено оружје како во вчерашниот инцидент и подгрева меѓуетнички тензии, нема основ да се соработува. Скопје е град на соживот, солидарност, во кој нашите сограѓани треба мирно и безбедно да живеат и да се почитуваат“, стои во изјавата на градоначалничката на Скопје, Данела Арсовска, упатена по изјавата на потпретседателот на Алијанса за Албанците и градоначалник на Гостивар, Арбен Таравари дека по разрешувањето на в.д. директорот на „Комунална хигиена“ – Скопје, чиј брат употреби пиштол во вчерашниот инцидент, Алијанса за Албанците треба да размисли за прекинување на соработката со Арсовска.