Поврзи се со нас

Вести

Асаф Адеми, кандидат за градоначалник на Гостивар од БЕСА

„Ќе ја намалиме невработеноста со инвестиции во економска зона и ќе овозможиме гасификација на Гостивар“

 

1. Што содржи вашата Изборна програма? Кои се приоритетните проекти со кои ја барате довербата на граѓаните на овие Локални избори?

За разлика од поранешните ветувања од страна на поранешните градоначалници, направивме конкретна програма со активности што се знае кога ќе се преземаат. Еден од главните проблеми е огромната невработеност, која ќе се трудиме да ја намалиме со инвестиции во економската зона во сопственост на општината. Еден друг наш проект што не разликува од другите  е подготвување на мрежата за гасификација на градот, и база за изработка на отпадни води.

2. Што предвидувате во однос на задржување на младите во нивниот роден крај, ако се знае дека процесот на иселување на младата популација, па и на цели семејства го зафаќа гостиварскиот крај во поголеми размери изминатата деценија?

Освен невработеноста, граѓаните, или подобро кажано младите се иселуваат од градов поради неквалитетниот живот. Тоа што тука сакам да го кажам е фактот што на младите им фали квалитетен социјален живот. Сведоци сме на успесите на нашите сограѓани што живеат надвор од родниот крај. Во овој контекст, ние создадовме план со кој локалната самоуправа ќе ги субвенционира младите лица во нивниот прв бизнис, ќе сподели грантови на невладините оганизации и ќе има капитални инвестиции што ќе го подобрат социјалниот живот на младите. Сакаме да им овозможиме простор каде младите ќе го развиваат нивниот талент, и ќе бидат корисни за целиот град.

3. Депонирањето на комуналниот отпад е најгорливиот проблем на Гостивар. Какво решение нудите?

Нашата екипа е посветена за чиста животна средина. Прво што е неопходно е класификацијата на отпадоците. Биолошките отпадоци треба да се користат за добивање на енергија или био гас, останатите да се рециклираат. Со одвојување на батериите, пластичните и стаклените шишиње, хартијата, картоните, и сл. треба да се намали количината на отпад што се депонира.

4. Што е првото нешто кое ќе го направите доколку седнете во градоначалничката фотелја на 16 октомври?

Гостивар треба да се ослободи од неправилно владеење, да се ослободи од политизираното образованиe и Општината да биде отворена за граѓаните, односно транспарентна работа на Општината, па потоа да ја надградуваме.

5. Кој е Асаф Адеми приватно?

Женет, татко на три деца, живеам и сакам да продолжам да живеам во Гостивар. Работам во странска компанија што се занимава со софтверско програмирање.

Сподели:
Advertisement
Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!