Гостивар
Асани: Приоритет во 2023-та ни е раст на приходите од зонски паркинг во Гостивар
„Годината што измина беше глобално кризна, а тоа се одрази и врз работата на нашето претпријатие, но очекуваме и работиме на тоа постепено проблемите да се надминуваат и 2023-та да биде подобра година“, вели директорот на Јавното претпријатие за паркинзи и зеленило во Гостивар, Сенад Асани.
Тој оценува дека зимската сезона, односно периодот кога печалбарите престојуваат во родниот крај поминала позитивно со зголемени приходи, напоменувајќи дека во октомври и ноември, системот за зонски паркинг бил надвор од функција и трпеле загуби.
„Системот за зонски паркинг тие два месеци не функционираше што значеше загуби за претпријатието, а причината е долгови од околу 2 милиони денари кон фирмата оператор. Сепак, успеавме да постигнеме некаков договор и во декември кога престојуваат печалбарите да се пушти, така што може да кажам дека зимската сезона беше добра. Планираме целосно да се исплати долгот, за во 2023-та да немаме проблеми од таков тип. Новата година ја почнаваме многу подобро и приоритет ќе ни биде зголемување на приходите од зонскиот паркинг“, истакна Асани. Инаку, според информациите кои ги сподели, на годишно ниво претпријатието од наплата за паркирање инкасира околу 600.000 денари.
Напори се прават да се надмине и проблемот со исплатата на плати за вработените во претпријатието, која доцни. „Тоа е поврзано со блокираната сметка на општината. Еден дел го решивме, а работиме на тоа и останатото да им се исплати. Инаку, имаме 80 вработени“, вели директорот.
Јавното претпријатие за паркинзи и зеленило Гостивар за годинава планира изградба и уредување на два нови паркови, во Гостивар и Дебреше, како и подновување со специјални возила за пајак-службата.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар