Автобуси со гостиварска и скопска регистрација вршеле меѓународен превоз без документација

Полициски службеници од Полициската станица за Граничен премин Табановце на 10, 11 и 12 јуни извршиле контрола на осум патнички возила и на два автобуси кои вршеле меѓународен превоз на патници, соопшти Министерството за внатрешни работи.

При контрола на автобус со гостиварски регистарски ознаки, управуван од 45 годишник од Струга и 68 годишник од Долна Бањица, гостиварско и автобус со скопски регистарски ознаки, управуван од 37 годишен жител на Јанче, општина Маврово и Ростуше, било констатирано дека вршеле меѓународен превоз на патници без поседување на соодветна документација.

Исто така, при контрола било утврдено дека пет патнички возила со кумановски, струмички и бугарски регистарски ознаки, вршеле меѓународен превоз на патници без поседување соодветна документација.

Од страна на Државниот инспекторат за транспорт изречени се соодветни санкции за возачите и возилата, стои во соопштението од МВР.