Автомобил удрил во девојче од Бањица

Единаесетгодишно девојче од гостиварска Долна Бањица е повредено во сообраќајна несреќа која се случила вчера попладне, на крстосницата на улиците „Ленинградска“ и „18 ноември“ во Гостивар.

Како што информираат од Секторот за внатрешни работи  автомобил „Голф“ со гостиварски таблици, управувано од 57-годишниот гостиварец Д.С. удрил во 11-годишното девојче кое се движело како пешак. Од удирањето, девојчето се здобило со телесни повреди и било пренесено во гостиварската болница. По укажаната медицинска помош, било пуштено на домашно лекување.

Точните причини и околностите под кои се случила несреќата ќе се утврдуваат. Според првичните информации, возачот со голфот најверојатно возел пребрзо.