Автомобил удрил во гостиварка, жената се здобила со тешки повреди

Зачестија сообраќајните несреќи со повредни пешаци на гостиварското подрачје. Вчера регистрирана е нова, во која 60 годишна гостиварка се здобила со тешки телесни повреди. Полицијата соопшти дека во 18.40 часот на булевар „Гоце Делчев“ во Гостивар, патничко возило „Опел“ со гостиварски регистарски ознаки, управувано од 63 годишниот Н.Н. од Гостивар, удрило во пешакот Б.И., на возраст од 60 години од Гостивар.

Во несреќата, Б.И. се здобила со тешки телесни повреди и со возило на Итна медицинска помош била пренесена на Ургентното одделение во Гостивар каде и била укажана лекарска помош.

Увид на местото извршила увидна екипа од Полициска станица Гостивар.