Бајрамали Саити продолжува во кошарката како потпретседател во КФСМ

Доскорешниот тим-менаџер на кошаркарскиот клуб Гостивар, Бајрамали Саити и официјално продолжува во Кошаркарската федерација на СМ.

На денешната седница на Управниот одбор на КФСМ која се одржа во просториите на кошаркарската федерација, Саити беше избран за потпретседател кој ќе биде одговорен за бизнис секторот.

„Чест е да се биде дел од оваа екипа во федерацијата која искрено ја сака кошарката, но и уште поголема обврска, бидејќи поставени се високи цели и претстои многу работа. Мора македонската кошарка да се врати онаму каде што и е местото, на врвот, изјави Саити за Gostivarprres.mk по завршувањето на седницата.

Полека, но сигурно новиот претседател Перо Антиќ и спортскиот директор Тодор Гечевски го комплетираат тимот кој ќе раководи и ќе се грижи за македонската кошарката за време на нивниот мандат.

Саити, две години беше тим-менаџер на гостиварци. По завршувањето на сезоната за КК Гостивар, поднесе оставка од функцијата.