Балиндолец испукал триесет куршуми во воздух – завршил во полиција

Педесет и осумгодишен жител на гостиварски Балиндол, во алкохолизирана состојба пукал во воздух од балконот на својата куќа. Како што соопштува СВР, лицето со пиштол што го поседувал со дозвола, испукал во воздух триесетина куршуми, од балкон на дневна соба од куќата, во која живеел сам. Во настанот немало повредени. Набрзо потоа балиндолецот бил приведен и задржан во Полициската станица Гостивар. Пиштолот „Црвена застава 99“ со празна рамка, како и една воздушна пушка му биле одземени со потврда.

„Извршен е увид, на местото пронајдени, фотодокументирани и подигнати за вештачење се повеќе празни чаури. Се преземаат мерки и активности за целосно расчистување на случајот.“, известуваат надлежните.