Поврзи се со нас

Свет

Балканот блокиран од снег: Патувајте само ако е неопходно

Објавено

на

Снег и силен ветер предизвикуваат значителни проблеми во сообраќајот во Хрватска, БиХ и Србија.

Снегот и ветерот предизвикуваат големи проблеми на хрватските патишта, а според најавите на метеоролозите, до крајот на денот се очекуваат уште посериозни временски непогоди.

Поради ветерот и наносите снег, за сообраќај се затворени автопатот А1 Загреб-Плоче-Караматичи меѓу јазлите Свети Рок и Поседарје, а во прекин се некои фериботски и катамарански линии, извести утрово Хрватскиот авто-клуб (ХАК) .

Обиколницата е дозволена само за патнички возила по рутата: Свети Рок-DC50 Грачац-Обровац-Карин-Смиљчиќ-јазол Задар исток и наплатната станица Горња Плоча.

Снегот, кој постојано паѓа од вчера, го отежнува сообраќајот и во поголемиот дел од Босна, додека во Херцеговина коловозите се влажни. БиХАМК посебно предупредува на делниците преку планинските премини, каде што има набиен снег на патиштата, и потсетува дека за товарни возила е задолжително користење синџири на овие делници.

Поради снежното невреме, сообраќајот е целосно запрен меѓу четири општини во југозападна Босна, како и на граничниот премин кон Хрватска во Изачиќ, извести синоќа Автомото сојузот на БиХ. Службите предупредуваат на нови снежни врнежи што дополнително можат да го отежнат сообраќајот.

Во делови од Херцеговина, снежните наноси, поттикнати од силниот ветер, значително го попречуваат сообраќајот. На делниците Посушје – Томиславград и Посушје – Блидиње, на товарните возила им е забранет сообраќајот.

Известено е и за честа појава на диви коњи на патот преку планинскиот премин Борово Глава меѓу Шуица и Ливно, што дополнително ја зголемува опасноста во сообраќајот.

Надлежните апелираат до возачите да ја прилагодат брзината на условите на патиштата и да користат зимска опрема, вклучувајќи синџири на тешките делници.

Метеоролошките прогнози најавуваат продолжување на снежните врнежи, па се очекува ситуацијата на патиштата дополнително да се влоши. Надлежните служби интензивно работат на расчистување и обезбедување проодност, но возачите се советуваат да избегнуваат патувања освен во итни случаи.

Во поголемиот дел од Србија, снегот паѓа од вчера попладне, со најголема количина во Бачка, Срем и Белград. Најинтензивни снежни врнежи се очекуваат на западот на земјата, каде што е во сила црвен метео-аларм. Во планинските предели се прогнозира до половина метар снег.

Автопатиштата и другите државни патишта од прва категорија се проодни, но во делови од Белград утринава сообраќајот е отежнат.

Денеска во Србија ќе биде облачно со снег, со зголемување на висината на снежната покривка. Навечер се очекува намалување на интензитетот на врнежите, а снегот ќе премине во дожд во Војводина, како и во Белград и централна Србија.

Најинтензивните снежни врнежи се прогнозирани во Мачванскиот, Колубарскиот, Златиборскиот, Рашкиот и Моравачкиот округ, каде што во пониските предели се очекуваат 20-40 сантиметри снег, а на планините над 50 сантиметри.

Во Црна Гора, учесниците во сообраќајот денеска ги очекуваат влажни и лизгави патишта, со намалена видливост. Во северните и делумно централните региони се забележани снежни врнежи. На патиштата во повисоките предели и преку премините е можен мраз. Чести се и ситни одрони на делниците што минуваат низ стрмни карпи.

Возачите се советуваат на претпазливо возење и почитување на сообраќајните правила. Според Заводот за хидрометеорологија и сеизмологија, на север ќе биде претежно облачно со слаб снег и невреме со ветер и снег.

Сподели ја веста:
Advertisement
Advertisement
Advertisement
Гостиварпред 3 недели

Се потсетуваме, најсреќните на Водици во Гостивар кои го извадија крстот од Вардар

Гостиварпред 3 недели

Празникот Водици во Вруток прославен традиционално со уникатни обичаи

Гостиварпред 4 недели

Фатено лице при кражба во манастирот Свето Преображение во Гостивар

Гостиварпред 3 недели

Општина Гостивар ќе доделува субвенции за инвертери и велосипеди

Гостиварпред 2 недели

Гостивар-Девојче и момче ноќеска паднале во бессознание по пиење алкохол во дискотека

Гостиварпред 2 недели

Калта и загадувањето во Гостивар од изградбата на Коридорот 8, тема во Локалниот совет за превенција

Гостиварпред 4 недели

Сучење на врвките за градскиот крст во Гостивар

Гостиварпред 4 недели

Да се остранат возилата на патот Маврово – Бунец преку Никифорово и Леуново, повика „Македонија пат“

Гостиварпред 3 недели

Девојки од Непал вработени во локал во Маврово се оддалечиле од објектот

Гостиварпред 3 недели

Празникот Водици во Вруток прославен традиционално со уникатни обичаи

Гостиварпред 3 недели

Осветен Вардар во Гостивар – Масовно чествување на Богојавление – Водици 2025, топлината во срцата посилна од студот!

Гостиварпред 1 месец

Бадникова поворка 2025 во Гостивар – Река од дечиња низ улиците го навестија Христовото раѓање

Гостиварпред 3 месеци

ПАТЕПИС: Во прегратките на Кораб – Светилиштата како вечност        

Гостиварпред 5 месеци

Одбележани 80 години од злосторот во Беличица-Почит за положените животи за слободна Македонија

Гостиварпред 6 месеци

Кинолошки спектакл во Мавровско, над 200 кучиња на Меѓународната CACIB 2024 изложба

Гостиварпред 11 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 11 месеци

Со љубов и почит кон корените – „Танец“ одржа концерт во Гостивар

Гостиварпред 1 година

Водици 2024 Гостивар: Осветени водите на Вардар – Бог се јави, Навистина се јави!

ОГЛАСИ ЗА ВРАБОТУВАЊЕ

- Хидротермика системи ДООЕЛ Гостивар
- Хидротермика системи ДООЕЛ Гостивар
- М-Е Систем ДООЕЛ Гостивар

Заследете нѐ на Facebook

следете нѐ и на телеграм

Advertisement

Следете нѐ

Популарно изминативе 100 дена