Базен во затворот во Тетово за летната сезона

Лицата кои издржуваат казна затвор во Казнено поправната установа во Тетово во текот на летниот период може да се разладуваат и да се рекреираат во базен.

Директорот на тетовскиот затвор Ќефали Хавзиу во објава на социјалните мрежи пишува дека е отворена летната сезона нагласувајчи дека ваквите објави не ги прават за да кажуваат дека е добро да се биде во затвор, туку да ги утешат членовите на семејствата на затворениците дека се обрнува внимание на ресоцијализација на нивните блиски.

„Секторот за ресоцијализација работи со нивните роднини секој ден, со едукативни методи за по излегувањето затвор да бидат подготвени и ресоцијализирани да продолжат со нормалниот живот со своите семејства кога ќе ја напуштат оваа институција, организираат едукативни часови, приредуваат и спортски игри и натпревари. Потсетуваме и дека осудените не само што се казнуваат туку имаат и свои законски права, каде што воспитувачите соработуваат со нив прво да се прилагодат на правилата на куќниот ред како и да се ресоцијализираат и да се подготват по завршувањето на казната да се покајат за грешките што ги направиле, да не ги повторуваат и да продолжат со нормален живот“, пишува Хавзиу.