Бејта: Артан и Талат во соработка со Валдет наредија да се разреши Јакупи од директор на болницата во Гостивар незаконски

„Таткото на ДУИ е Али Ахмети, тој треба да донесе мерки, да ги предупреди да не делуваат. Им го негираат жртвувањето на членови кои работеле за доброто на ДУИ 20 години. Еве еден пример во Гостивар. Артан Груби и Талат Џафери ја делат ДУИ, тие во соработка со Валдет Џафери донесоа одлука и му додоа наредба на министерот од Алтернатива да го разреши директорот на болницата Јакуп Јакупи надвор од секоја законска процедура, затоа што го нарекле човек на Невзат Бејта. Именуван со оглас, со лиценца. Тој беше директорот кој со својата работа ја смени гостиварската болница.“, изјави во емисија на ТВ Алсат вчеравечер, Невзат Бејта дел од таканаречената „Огнена група“ во ДУИ и поранешен градоначалник на Гостивар

Меѓу другото Бејта рече дека имало тајна соработка меѓу ДУИ и Алијанса за Албанците со која се обезбедила победа на Таравари на локалните избори во 2017-та година.

„Коалицијата меѓу ДУИ и Алијанса за Албанците не е нова. Таа соработка постои уште од 2017. Стануваше збор за тајна соработка. Координатор беше Талат Џафери. Причина беше тоа што ние излеговме, тие се мобилизираа и создадоа свои структури за да ме елиминираат мене од Гостивар и му помогнаа на Арбен Таравари. Беа во коалиција“, изјави Бејта.