Бејта: Се залагаме што побрзо да се формира Влада

Потпретседателот на ДУИ и градоначалник на Гостивар, Невзат Бејта денес одговарајќи на новинарско прашање, до каде се преговорите за коалицирање со СДСМ, не прецизираше точно дали и каков договор е постигнат, но рече дека работат на тоа да се формира Влада во најскоро време.

„Се залагаме Собранието да почне да функционира и што побрзо да се формира Влада која ќе ги исполни барањата на сите граѓани на Македонија. Таквата Влада, ќе биде успешна и со таа Влада ќе се врати правдата во земјава, а сите граѓани тоа и го сакаат“, изјави Бејта и потенцираше дека одлуката на Демократската Унија за Интеграција, во однос на прашањето за коалицирање, ќе биде донесена во брзо време.

Бејта денес заедно со министерот за економија, Дритон Кучи беше во посета на фабрика за прозводство на челнични делови, близу автопатот Тетово-Гостивар.