Бејта: Заедно со граѓаните ќе го изградиме Утрешен Гостивар!

На градскиот плоштад во Гостивар вечерва Демократската унија за интеграција одржа централен собир. На видео бимови беа презентирани делови од средби со граѓани и посети на села и населби кои кандидатот за градоначалник Невзат Бејта ги оствари во текот на кампањата, заедно со кандидатите за советници.

„Се сретнав и поразговарав со многу граѓани и сфатив дека гостиварци си го сакаат својот град, а тоа го покажуваат преку работата и вложениот труд. Изминатите четири години ја реализиравме ветената програма и го создадовме Денешен Гостивар и сега имаме основа, темели и заедно ќе работиме да го изградиме Утрешен Гостивар. Развојот на економијата и отворањето нови работни места ќе ни бидат приоритет. Ќе отвориме слободна економска зона. Гостивар за четри години ќе добие нов мост, нов најубав плоштад, нови улици. Ќе биде решен проблемот со водоснабдувањето и здрава вода за пиење со замена на водоводните цевки. Имам ветување од Владата дека конечно ќе се реши и проблемот со депонијата Русино во рок од за една година. Ви ветувам дека Утрешен Гостивар ќе биде град како развиените европски градови“, рече Бејта.

На собирот зборуваше и носителот на советничката листа Насир Муслиу: „Секој проект во нашата програма е збир на сето она што вие, граѓаните сте ни го предложиле и побарале. Ќе продолжиме да ве слушаме и по изборите. Затоа на 15 октомври ја бараме вашата поддршка, за Невзат Бејта и за нашата листа  на која има исклучително квалитетни, почитувани имиња,  вредни луѓе, кои ветеното го остваруваат“.

Во своето обраќање, шефот на изборниот штаб Башким Хасани упати зборови на благодарност до граѓаните за поддршката и срдечниот прием во текот на кампањата изминатиот период.