Бензините поскапеа за еден денар, дизелот со иста цена

Регулаторната комисија за енергетика донесе одлука со која се врши зголемување на малопродажните цени на нафтените деривати во просек за 0,80%. Малопродажните цени на бензините Еуросупер БС-95 и Еуросупер БС-98 се зголемуваат за 1 денар за литар. Малопродажната цена на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) остануваат непроменети.

Од денес, Еуросупер БС-95 се продава по цена од 67 денари за литар, додека Еуросупер БС-98 по 69 денари за литар. Еуродизел БС (Д-Е V) се точи по досегашната цена од 55 денари за литар, додека екстра лесното масло за домаќинство чини 44,50 денари за литар.

Малопродажната цена на Мазутот М-1 НС се зголемува за 0,353 ден/кг и изнесува 34,779 денари за килограм.