Бесплатен паркинг во гостиварските училишта за време на зимскиот распуст

Паркинг просторот во основните и средни училишта во Гостивар, ќе може да се користи бесплатно од први до 20 јануари, информира локалната самоуправа. „Поради тоа што капацитетот на јавните паркиралишта во градот, не ги задоволува потребите на иселениците за време на нивниот престој во родниот крај, градоначалникот Арбен Таравари и годинава одлучи општинските основни и средни училишта да ги отворат портите и да овозможат нивните паркиралишта да послужат како бесплатен јавен паркинг.“, стои во општинското соопштение.

“Сето ова се прави со цел на нашите сограѓани им се овозможат подобри услови за време на нивниот престој во татковината. Ја користам оваа прилика, уште еднаш да им посакам добредојде и среќни мигови со нивното семејство, роднини и пријатели  и да им ја честитам Нова 2019 година“, вели гардоначалникот Таравари.