Гостивар
Бесплатни обуки по прва помош за возачи во Гостивар, пријавување во Црвениот Крст
Општинската организација на Црвениот крст во Гостивар од денес ја започна кампањата „Твоето незнаење чини живот“, во чии рамки се предвидени бесплатни обуки по прва помош за возачите. Како што објаснуваат од организацијата, целта е оние кои седнуваат зад волан да се потсетат на начините на пружање прва помош и да го обноват своето знаење од оваа област со што ќе се спречат поголеми здравствени последици, но и жртви во сообраќајни несреќи. Соодветното укажување на прва помош на самото место по сообраќајна несреќа, придонесува за спасување на човечки живот и намалување на компликации од настанати повреди и инвалидитет.
„Обуките се наменети за сите активни и пасивни возачи, а првата обука во која е планирано да биде опфатена група од 15 учесници, ќе се одржи на 23 јули. Ги повикуваме сите заинтересирани да се пријават во просториите на нашата организација и да бидат дел од оваа значајна активност“, рече Алмир Мухареми од гостиварскиот Црвен Крст.
Обуките ќе ги држи стручен тим со соодветна лиценца, составен од доктор и демонстратор. На возачите ќе им бидат прикажани основите на срцево-белодробно оживување, правила на извлекување на повредени, постапки при крварења, скршеници и слично.
Во кампањата понатаму ќе бидат вклучени и јавни личности од Гостивар како спортисти, уметници и друго.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk