Бесплатни обуки за Специјалисти за човечки ресурси наменети за невработени

Агенцијата за вработување објави повик за учество во бесплата обука за Специјалист за човечки ресурси (Регрутер) наменета за евидентирани невработени лица до 40 години кои се заинтересирани за стекнување вештини од областа на човечки ресурси.

Како што е наведено во повикот обуката опфаќа вовед во дигитални канали за пребарување на таленти, пребарување и таргетирање кандидати на социјалните медиуми,  комуникација и контактирање на пасивни кандидати, брендинг на компанијата и личен брендинг, интервјуа и тестирања, понуда за работа и фидбек и интеграција на новиот вработен.

Во оваа мерка е предвидено вклучување на 70 невработени лица што ќе обезбедуваат услуги за вработување во име на работодавачот, односно  да се обучат да најдат таленти и да лоцираат поединци кои исполнуваат специфични барања за работа, потенцираат од Агенцијата.

За учество во обуката, кандидатот треба да има завршено високо образование и да биде евидентирано невработено лице – активен барател на работа;

Заинтересираните невработени лица можат да поднесат Пријава во Центарите за вработување, секој работен ден од 9 до 14 часот.