Без работа во Гостивар се над 60 магистри и 652 лица со факултет

Листата на невработени на гостиварското подрачје, според последните податоци од Агенцијата за вработување, брои вкупно 11.297 лица. Оваа статистика е заклучно со 31 декември лани.

Невработеноста ги мачи граѓаните од различни возрасти и со различен степен на образование, што може да се потврди и со официјалните податоци. На списокот невработени евидентирани се 7.599 лица со основно или без никакво образование. Со завршено средно образование без работа се околу 2.500, со непотполно средно 439, а со вишо 50-тина. Работа бараат и 652 граѓани кои завршиле факултет, а невработени се дури 62 магистри.

Според поделбата на возрасни групи, 267 невработени се од 15 до 19 години, 1.225 од 20 до 24 години, која бројка отрпилика важи и за наредните возрасни групи се’ до 50 години, кога расте на над 1.300 лица.

Од вкупно регистрираните невработени во регионот на Гостивар, 1.469 работа чекаат од 5 до 7 години, додека 316 по осум или над осум години.

На државно иво, 2020-та година е заокружена со вкупна бројка од 156.432 невработени.