„Бидете пример за другите“, предавања за екологија во училиштата во Гостивар

Над 160 основци од основните училишта “Исмаил Ќемали”, “Гоце Делчев” и “Единство” преку предавања се едуцираа за заштита на животната средина и чистиот воздух.  Активноста ја реализираше еколошкото здружение “Еко Герила” – Тетово, со цел подигнување на свеста кај учениците за заштита на животната средина со посебен фокус на воздухот, кој што во Полог според официјалните мерења е најзагаден во земјата и пошироко, наведуваат од општинската служба за информирање.

На учениците им беа поделени и едукативни брошури со наслов „Бидете пример за другите. Предавањата беа наменети за ученици од седмо, осмо и деветто одделение.