Биткоинот пријави скок од 20% за 24 часа

Биткоинот оствари раст од 20% на пазарот, преминувајќи ја вредноста од 5.000 долари првпат после 6 месеци. Вредноста и на останатите криптовалути значително се зголеми во последните 24 часа. Цената на најпопуларната криптовалута денеска се задржа на 5.031 долари за еден BTC.

Најновиот скок на криптовалутите се претпоставува дека е потикнат со мистериозното купување на Биткоин во вредност од 100 милиони долари, која е спроведена преку Coinbase и Kraken менувачниците до САД, како и Bitstampa од Луксембург. Аналитичарите немаат објаснување за оваа мистериозна побарувачка.

Со растот на цената, за само еден час биле тргувани повеќе од 6 милиони долари на крипто берзата што е 3 до 4 пати повеќе од вообичаното. Налозите од тргувањата најмногу се концентрирани на територијата на Азија.