Биткоинот со изненадувачки раст од 18% за само 24 часа

Во текот на изминативе 24 часа Биткоинот имаше раст од готово 18%, што цената за еден Биткоин се искачи од околу 6800 на 8100 долари. Ова претставува изненадувачки раст, бидејќи изминатиов период Биткоинот воглавно одеше во надолна линија.

Моментално, цената на BTC е 8100 долари. Точна причина за ова зголемување на цената не е позната, некои експерти претпоставуваат дека ова е резултат на зголеменото вложување во криптовалутите изминативе месеци. Додека, други аналитичари реагираат дека падот на Биткоинот во периодов бил само привремен.

Врвните трговци пак овај раст го припишуваат на таканаречената “мечкина замка” како лажен сигнал дека моменталниот растечкиот тренд на берзата треба стрмоглаво да падне. Но, наместо стрмоглаво паѓање цената останува непроменета или минимално варира.

Покрај Биткоинот позитивен раст доживеаа и останатите криптовалути.