Black Friday, празник на попустите – Ќе се подновите ли нешто денес?

Кампањата за шопингманија на последниот петок во ноември застапена на глобално ниво, потекнува од Америка. Во Америка Black Friday е веднаш после празникот Денот на благодарноста (Thanksgiving).

„Празникот“ на шопингхоличарите во САД е актуелен уште од 1952 година. Неколку години подоцна оваа традиција заживеала и во Велика Британија, а потоа и во останатите европски земји како Германија, Австрија и Швајцарија.

Со „црниот петок“ практично почнува големата божикна шопинг-сезона. Иако официјално не е прогласен за празник, во Калифорнија и во некои други држави во САД на овој ден државната администрација е ослободена од работа. Додека во Америка, најголемите попусти се на производите од бела техника, низ европските земји со акции повеќе е опфатена гардеробата.

И трговците кај нас, последните години се почесто го вметнуваат Black Friday во своите понуди. Така, во текот на денешниот ден низ бутиците, продавниците за бела техника, за накит, обувки и друго се организирани распродажби, на задоволство на сите што го сакаат шопингот или им треба подновување. За тоа колку се реални попустите и цените на распродажба, пресудете сами!