Гостивар
Благодарници од Општина Гостивар за лекарите херои Нешковски (постхумно), Цана и Демири
„Секоја генерација си има своја борба, секое време си има свои херои.“ Ова беше последниот статус на социјалните мрежи на прерано починатиот доктор Трајче Нешковски од Гостивар. Младиот пулмолог останува запаметен како активно вклучен во борбата против ковид, пожртвуван и целосно посветен на пациентите. Во знак на почит и благодарност Нешковски постхумно доби благодарница од Општина Гостивар. Благодарници за трудот, знаењето и вниманието што го вложуваат во лекување на заболени со ковид, им беа доделени и на инфектолозите Фадил Цана и Илир Демири.
„Сите ние кои што сме имале наши роднини, пријатели кои боледувале од ковид, знаеме дека ова се лекарите коишто сме ги барале на телефон, за совет, за упатување и тие секогаш излегувале во пресрет и биле подготвени да помогнат, да го дадат својот максимум. Не би сакал да ги заборавам ни останатите медицински лица, медицински сестри, доктори кои секојдневно се во служба на пациентите и тие се хериоите на ова време“, изјава градоначалникот Арбен Таравари.
Инфектологот Цана се заблагодари за овој гест и рече дека тоа е и обврска да продолжат понатаму посветено со својата работа.
„И во мое лично име и во името на д-р Демири кој не можеше да дојде во Гостивар, затоа што е дежурен на клиника му се заблагодарувам на градоначалникот. Ова е чест, но истовремено и голема обврска да останеме пожртвувани во нашата борба со пандемијата на ковид“, рече д-р Цана.
Докторите Фадил Цана од Чегране и Илир Демири од Тетово, работат на Инфективната клиника во Скопје. Доктор Трајче Нешковски беше ангажиран во ковид центарот во Козле.
Градоначалникот Таравари најави дека на следната седница на Советот ќе достави предлог овие лекари да се прогласат за почесни граѓани на Општина Гостивар.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар