Гостивар

Богата понуда, но високи цени на пазарот во Гостивар

Објавено

пред 3 години

на

13/04/2021

Од

Gostivarpress.mk

Првиот ден од рамазанскиот пост во Гостивар се поклопи со пазарниот вторник, па на гостиварскиот пазар од утрово беше пораздвижено. Можеше да се забележи дека тезгите изобилуваат со разновиден зеленчук, овошје и други производи, имаше и граѓани излезени да пазаруваат. Сепак, рекоа дека желбите и потребите мора да ги прилагодат според можностите, затоа што цените сезонава се повисоки, а владее сиромаштија.

Килограм банани се продава по цена од 60 денари, додека портокалите се 40 денари. Цената на краставиците се движи меѓу 50 и 60 денари, јаболката се продаваат по 3 или 4 килограми за 100 денари. Доматите и пиперките „држат“ највисока цена. Првите 80 и 90 денари за килограм, а вторите 90 до 100 денари килограм.

Стариот кромид се продава 20 до 25 денари за килограм, компирот 10 до 15 ден/кг и спанаќот 50 денари за 2 килограми.