Занимливости
Бојадисајте ги велигденските јајца со помош на ориз

Велигденската корпа може да биде вистинско ремек дело, но често ни снемуваат идеи за бојадисување јајца. Најчесто се одлучуваме за традиционално бојадисување на јајца, украсување со растенија или лепење сликички и налепници. Има и многу други техники, како украсување со восок, но повеќето од нас сакаат да избегнат дополнителен неред и да заштедат време во подготовката на велигденската трпеза.
Доколку сакате украси и разни бои на велигденските јајца, оваа техника е совршена за вас. Станува збор за бојадисување на јајца со помош на ориз.
Во пластичен сад ставете две лажици ориз и додадете една лажичка боја за боење јајца. Покријте го садот и протресете за да се распореди бојата над оризот. Истото повторете го и со другите садови со други бои. На пример, можете да ставите црвена во еден сад, сина во друг, зелена во трет односно изберете ги оние бои што најмногу ви се допаѓаат. Исто така оризот може да го ставите и во мала најлонска кеса, а се повторуваат истите постапки.
Најдобро е да користите бели јајца за оваа техника. Јајцата треба претходно да се варат. Ставете го јајцето во садот со оризот и бојадисајте, покријте ја чашата и лесно протресете за обоениот ориз да го допре целото јајце. Кога ќе го извадите јајцето, ќе забележите прекрасна декорација со точки која е сосема поинаква од она на што сте навикнати.
Можете исто така да комбинирате бои. На пример, во сад со син ориз ставете јајце кое веќе е обоено жолто. Или, ставете го првото јајце во садот виолетов ориз, а потоа истото јајце во чаша син ориз. Ќе добиете шарена велигденска бајка.
Оставете ги јајцата целосно да се исушат на нив, премачкајте ги со масло и наредете ги во велигденската корпа.
-
Гостиварпред 3 недели
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Невработените со можност за бесплатни обуки и полагање за возачки дозволи за камион и автобус
-
Гостиварпред 3 месеци
ПАТЕПИС: Во прегратките на Кораб – Светилиштата како вечност
-
Вестипред 3 месеци
УЈП со важно известување за корисниците на МојДДВ
-
Вестипред 3 месеци
Преку „е-услуги“ вадење имотен лист за неколку секунди
-
Гостиарскипред 3 месеци
Гостиварецот Деан Поповски победник во уникатното голф дерби во Белград
-
Македонијапред 3 месеци
Комплетна листа на неработни денови во 2025-та година
-
Што, како, каде?!пред 1 месец
„Пица & Бургер БЕЈБИ“ – Ново уникатно место за добра храна и забава во Гостивар