Бојадисајте ги велигденските јајца со помош на шлаг

Стандардното бојадисување на јајцата за Велигден бара многу внимание и знае да создаде маки на домаќинките. Јајцата при бојадисувањето во топла вода честопати напукнуваат, некогаш бојата не фаќа како што треба и сл. Освен тоа еднобојните јајца стануваат и монотони. За да ви дадеме идеја и да ве инспирираме за нешто поинакво, ви презентираме нова популарна техника за бојадисување на велигденски јајца.

Се што ви треба за овие интересни и шарени јајца :

-Шлаг или изматена слатка павлака
-Различни бои за храна ( течни )
-Сад каде што ќе го поделите шлагот
-Оцет
-Лажичка
-Сварени јајца

Шлагот или матената слатка павлака ги ставате во сад (се препорачува некој постар сад). Додавате капки од боите за храна што сте ги одбрале, па со помош на лажичката мешате, при што се добива дезен како разнобоен мермер. Додавате и неколку капки оцет.

Следна постапка е сварените јајца, едно по едно, да се стават во садовите со шлаг така што ќе треба да се намачкаат со шлагот и да отстојат 15-30 мин. (што подолго – тоа подобро). На крај со салвета се бришат јајцата, а на нив останува боја која што е пастелна и нежна. Шарите наликуваат на галаксија. Секое обоено јајце ќе биде посебно, некое ќе остане полу – бело, а некое ќе има омбре шара.